سورة الانشقاق

سورة الانشقاق

سورة الانشقاق

مستر"ما تدخلنيش في تفاصيل" ؟!
أكيد قابلتوا في حياتكم حد بيتقمص دور مستر "ماتدخلنيش في تفاصيل" .. اللي هو مش بيحب يسمع كلام كتير وفي نفس ذات الوقت بيحب يدخلك في تفاصيل من غير ما تقاطعه .. شئ عجيب !!
ممكن يكون صاحبك و بيبقى في الشلة بتسموه غالباً عبده المهم أو علي بيه مظهر .. وممكن يبقى موظف حكومة اللي بيبقى عامل نفسه فاهم انت عايز ايه و يسحلك من غير ما يفهم من شباك للتاني والجزء الأغلب بيبقى في المديرين "مش كلهم طبعا"، الجملة ديه مديرين كتير بيقولوها عشان يريحوا دماغهم أو يجيبوا من الآخر .. بإعتبار انه كمدير وراه هم ما يتلم وإنك زي ما يكون بتكلمه في حاجات مالهاش علاقة بالشغل أو لقاك انت بتهري فيروح رزعك بوء "ما تدخلنيش في تفاصيل" .. فبيبقى عايز ينجز معاك ويقولك قراره سواء أه هنعمل كذا أو لأ مش هينفع نعمل كذا و ده قرار نهائي "من غير الدخول في تفاصيل"، و وارد يكون القرار ده حاجة كويسة و جايز برضه يكون حاجة وحشة.

طب ولله المثل الأعلى تخيل لو إنك واقف قدام ربنا هتحب يدخل في تفاصيل ولا لأ، مع العلم انه الحكم العدل جل و علا،
بص من الآخر كده هو مش من مصلحتك إن رب العزة لما يجي يحاسبك إنه يناقشك في كل فعل عملته،
و ده مش كلامي ده كلام النبي ﷺ كان بيدعي ويقول : "اللهم حاسبني حساباً يسيراً" فالسيدة عائشة سمعته،
فقالت : ما الحساب اليسير يا رسول الله؟ .. فقال : ينظر في كتابه ويتجاوز عنه .. إنه من نوقش الحساب يومئذ هلك"، يعني بيرجوا من الله إنه يوم القيامة ربنا ينظر في صحيفته ويتجاوز عن سيائته بدون مناقشة .. و يا ويله اللي ربنا هيناقشه في اللي عمله في الدنيا .. النبي قالها صراحة من نوقش يومها هلك "هيتعذب" سلم يارب، تخيل النبي بقى بيدعي بكده أومال إحنا هيحصل فينا ايييييييه .. ربنا يسترنا.
جملة الحساب اليسير ديه بقه جاءت في سورة الانشقاق.

معلومات عن سورة الانشقاق

سورة الانشقاق سورة مكية، ترتيب سورة الانشقاق فى مصحف القرآن الكريم السورة رقم 84، عدد آيات سورة الانشقاق 25 آية، عدد كلمات سورة الانشقاق 108 كلمة، عدد حروف سورة الانشقاق 436 حرف.

تفسير سورة الانشقاق

قال تعالى في سورة الانشقاق :
(إِذَا السَّمَاءُ انْشَقَّتْ)
إذا السماء تصدعت وتقطعت فكانت أبوابا "و ده يوم القيامة يعني".

(وَأَذِنَتْ لِرَبِّهَا وَحُقَّتْ)
وإن السماء تنشق ده بإذن من ربها فهي أطاعت الله في أمره بأن تنشق .. السماء سمعت وأطاعت يا من تعصي الله.

(وَإِذَا الْأَرْضُ مُدَّتْ)
وإذا الأرض بسطت، فزيدت في سعتها.

(وَأَلْقَتْ مَا فِيهَا وَتَخَلَّتْ)
وألقت الأرض ما في بطنها من الموتى إلى ظهرها وتخلت منهم إلى الله.

(وَأَذِنَتْ لِرَبِّهَا وَحُقَّتْ)
و أن الأرض سمعت وأطاعت أمر ربها بأن تُخرج ما في بطنها من الموتى للحساب.

(يَا أَيُّهَا الْإِنْسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِ)
يأيها الإنسان إنك عامل إلى ربك عملاً فملاقيه به خيراً كان عملك ذلك أو شراً، فليكن عملك مما ينجيك من سخطه، ويوجب لك رضاه، ولا يكن مما يسخطه عليك فتهلك.

(فَأَمَّا مَنْ أُوتِيَ كِتَابَهُ بِيَمِينِهِ * فَسَوْفَ يُحَاسَبُ حِسَابًا يَسِيرًا * وَيَنْقَلِبُ إِلَى أَهْلِهِ مَسْرُورًا)
من أخذ كتابه بيمينه فسوف يكون حسابه يسيراً "يعني ايه حسابه يسيرا بقى" ويرجع الى أهله في الجنة وهو سعيد وفرحان .. ربنا يجعلنا منهم.

(وَأَمَّا مَنْ أُوتِيَ كِتَابَهُ وَرَاءَ ظَهْرِهِ)
شوف الخزي من الكسوف هيداري كتابه وراء ظهره .. سلم يارب.

(فَسَوْفَ يَدْعُو ثُبُورًا)
فسوف ينادي بهلاكه ويقول يا ويلاه .. يعني بيندب على نفسه و بيقول يا ويلي .. نسأل الله العفو والعافية.

(وَيَصْلَى سَعِيرًا)
أي أن الله يصليهم تصلية بعد تصلية، وإنضاجه بعد إنضاجه للحومهم.

(إِنَّهُ كَانَ فِي أَهْلِهِ مَسْرُورًا)
إنه كان في أهله في الدنيا مسروراً لما فيه من معصية لله عز و جل.

(إِنَّهُ ظَنَّ أَنْ لَنْ يَحُورَ)
إنه ظن أنه لن يرجع إلى ربه ولن يبعث بعد موته.

(بَلَى إِنَّ رَبَّهُ كَانَ بِهِ بَصِيرًا)
بل إنه سوف يرجع إلى ربه و يُبعث .. فإن ربه كان بصيراً ويعلم ما فعل في الدنيا من معاصي وما سيصير اليه في الآخرة.

(فَلَا أُقْسِمُ بِالشَّفَقِ)
قسم من الله بالشفق "قيل انه الحمرة اللي بتكون في السماء بين المغرب والعشاء، و قيل انه النهار ،
"فيها خلاف ما تشغلش بالك".

(وَاللَّيْلِ وَمَا وَسَقَ)
قسم أخر من الله بالليل وما جمع فيه من نجوم وكواكب.

(وَالْقَمَرِ إِذَا اتَّسَقَ)
قسم ثالث من الله جل و علا بالقمر اذا اكتمل.

(لَتَرْكَبُنَّ طَبَقًا عَنْ طَبَقٍ)
بأنكم ستجدون يوم القيامة أهوالاً و أحوالاً متبدلة من حال إلى حال .. ومنهم من قال انه خطاب للنبي بأنه سيلقى من الشدائد والمحن ما هو مختلف من حال إلى حال .. و قول أخر الآخرة بعد الدنيا .. و قول بأن المقصود اختلاف أحوال السماء يوم القيامة فا مرة تكون كالغمام و مرة كوردة كالدهان و مرة تكون كالمهل،
"فيها خلاف كبير و برضه ما تشغلش بالك".

(فَمَا لَهُمْ لَا يُؤْمِنُونَ * وَإِذَا قُرِئَ عَلَيْهِمُ الْقُرْآنُ لَا يَسْجُدُونَ)
فمال لهؤلاء المشركين لا يصدقون بتوحيد الله وما أُخبر على لسان نبيه .. وإذا قُرئ عليهم كتاب ربهم لا يخضعون ولا يستكينون.

(بَلِ الَّذِينَ كَفَرُوا يُكَذِّبُونَ * وَاللَّهُ أَعْلَمُ بِمَا يُوعُونَ * فَبَشِّرْهُمْ بِعَذَابٍ أَلِيمٍ)
بل الذين كفروا يكذبون بآيات الله وتنزيله .. والله يعلم ما تُخفي صدورهم من كفر بالله و آياته و رسوله .. فبشر يا محمد هؤلاء المكذبين بعذاب أليم لهم عند الله.

(إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ)
إلا الذين تابوا منهم و آمنوا بالله و رسوله و آتمروا بأوامره و انتهوا بنواهيه .. فأولئك لهم ثواب غير منقوص.