مرض الإكتئاب وكيفية التعامل مع الشخص المكتئب

" مرض الإكتئاب Depression disease فعلاً شئ بشع "!!

الإكتئاب وكيفية التعامل مع الشخص المكتئب على منصة تجربة
مرض الإكتئاب وكيفية التعامل مع الشخص المكتئب

ما هو الإكتئاب ؟ ما هى أعراض مرض الاكتئاب ؟

مرض الاكتئاب Depression disease بإختصار هو فقدان الرغبة والمعنى للحياة ، ومن ضمن أعراض مرض الإكتئاب الانطوائية والوحدة والنوم الكتير "ده مش دلع والله يا زوار منصة تجربة"، كمية الحزن والوجع الداخلي والمعاناة اللي انتوا مش ممكن تشوفوها في الشخص المكتئب ولا تحسوها أبداً "مش دلع".

كيفية التعامل مع الشخص المصاب بمرض الإكتئاب

الانسان المكتئب هو شخص بيعاني من أبشع حاجة ممكنة ، انت لو عندك مشكلة .. ممكن تتحل ، لو انت في أزمة .. اكيد هتعدي ، لو فقدت حد .. ربنا ينعم عليك بالنسيان ومسيرك هتتعود ، بس في اشخاص موجودين حوالينا فقدوا الرغبة فى الحياة بشكل حرفي ، مش عايزين يعيشوا .. فقدوا المتعة والسعادة والطموح "ده مش ذنبهم" ده مرض حقيقي ، زي أي مرض جسدي ليه أعراض وتشخيص وأدوية بس الفرق ان الوجع الناتج عنه مش ممكن يتشاف أو يتحس لأن المريض وحده هو اللي بيعاني واللي كمان بيزود المعاناة ديه نظرة المجتمع والناس وتعليقات زي : ده بعد عن ربنا ، ده دلع ، الشخص ده مجنون ، جرب تغير تفكيرك ، جرب تخرج وتشوف ناس ، ابذل مجهود ،،، الخ.

كل ده كفيل انه يحسسه بس انك مش فاهمه ، انك مش شايفه ومش ممكن تحس بيه ، لأنه فعلاً موجوع !!
أحياناً بيكون مستني حب صادق ، انك تقبله زي ما هو ، بيكون عنده شك انه شخص سيء ، بيحس ان الحياة بدونه أحسن ، انه مسبب مشاكل ومحدش محتاجه وانه حمل ثقيل .. انت المفروض ما تثبتلوش ده ، المفروض انك تقرب منه ، تحبه ، تحتويه ، تكون معاه مش حمل عليه ، اديله مساحة بس وحسسه بأهميته وانك فعلاً متقبله وإنك بتحبه.

أحيانا سوء تعاملنا مع المكتئبين بسبب جهلنا بهذا المرض و ده بيكون أكبر سبب يخليهم انهم يأذوا نفسهم
أو حتى ينتحروا .. انتوا متخيلين يا جماعة !! شخص يقرر ينهي حياته عشان وجع انت مش قادر تشوفه ولا تحسه
وانت قاعد تلومه وتعاتبه وتجرحه ، في ايه بعد فقدان الرغبة والمتعة فى حياة الانسان ؟ فى ايه بعد الشعور المستمر بالعجز والفشل ؟ فى ايه بعد ما تكون الحياة عبارة عن حمل ثقيل وبشع ؟

الاكتئاب بيتراكم والحالة بتسوء والأفكار السودة بتزيد !!

تقدروا تغيروا مصير اى انسان مكتئب لو كان عندكم شوية وعي ، مثلاً نقدر نطمنهم ونقولهم ان احنا كمان عدينا بتجارب كتير سيئة ، عنف وفقدان وغربة ، صورتي فى نفسي اتهزت ، حسيت اني بشع وعديم الفايدة ، كنت سيئ ولازم اتعاقب ، مكنتش شايف اى محبه ولا اى اهتمام ، كنت بكره نفسي والناس وكنت عدواني حتى مع اللي بيحبوني ، حاسس بالعتمة من جوايا كأن في وحش جوايا بياكلني ببطء وبيسرق مني اي نور او محبه كانت فى يوم جوايا ، حسيت ان الناس من غيري أحسن ، محدش هيحس بغيابي ، أنا ولا حاجة ، حسيت بقرف وكنت بتوجع ..
بس حاربت وفضلت احارب وطلبت المساعدة لحد ما انتصرت الحمد لله ، قدرت اتجاوز رغبتي بإيذاء نفسي ، سيطرت على أفكاري وفهمت أخيراً إني مميز ، رجعت أحاول أبني إيماني بنفسي ، حزين آه بس الحزن بيخلق الإبداع ، الطريق طويل ، بس أكيد هنوصل ، انت مش لوحدك ، انت فعلا قوي وتقدر بإذن الله.

في النهاية، الكلام ده أنا كتبته لنفسي ولكل واحد في إحتياج ليه وما أكثرهم.
أتمني إنكم تكونوا فهمتوا معانيه وحسيتوا كلماته كويس.
" إن الحياة تنتظر فقط أن تفتحَ ذراعيكَ لتحصلَ على عناقٍ طويل "

بقلم: محمد شحاتة
Tagrba
كاتب المقالة
كاتب ومحرر اخبار اعمل في موقع منصة تجربة .

جديد قسم : صحة

  1. يمكن انا شبهك اوى ف كل حاجه يا محمد
    بس المشكله فعلا ان الواحد بيوصل للاكتئاب وبس بيشوف ردود فعل من الى حواليه انه اصلا انسان كائيب مشكله الاكتئاب فعل التعامل الى بنشوفه من الى حوالينا ممكن الاكتئاب ميوصلش للانتحار مثلا بس الناس الى حوالينا او تعملهم مع الاكتئاب يوصل المكتئب للانتحار ف شخص ممكن يعدى بالفتره ديه وغالبا ٩٠٪مش بيعدو من المرض ده
    ف سؤال هنا يا محمد
    اى سبب الاكتئاب؟
    اى الى وصل لكدا ؟

    ردحذف
  2. سبب الاكتئاب بيتحدد حسب الظروف المحيطة وف الغالب بيجي مع الفعل ورد الفعل يعني حسب ردة فعلك لاي موضوع في حياتك بيتحدد تعامل الغير معاكي وده طبعاً محور الشخصيه
    يعني م الآخر ده بيكون ضعف الشخصية اللي بيوصل للاكتئاب
    تحياتي

    ردحذف
  3. يمكن انا شبهك اوى ف كل حاجه يا محمد
    بس المشكله فعلا ان الواحد بيوصل للاكتئاب وبس بيشوف ردود فعل من الى حواليه انه اصلا انسان كائيب مشكله الاكتئاب فعل التعامل الى بنشوفه من الى حوالينا ممكن الاكتئاب ميوصلش للانتحار مثلا بس الناس الى حوالينا او تعملهم مع الاكتئاب يوصل المكتئب للانتحار ف شخص ممكن يعدى بالفتره ديه وغالبا ٩٠٪مش بيعدو من المرض ده
    ف سؤال هنا يا محمد
    اى سبب الاكتئاب؟
    اى الى وصل لكدا ؟

    ردحذف
  4. يبقا اكيد٩٩٪من الناس وصلو للاكتئاب خلاص 😞بس فترة الاكتئاب اكتر فتره بتكون فيها يأس وضعف وكره لكل حاجه 😶 يمكن تكون كمان الانسان ساعتها شبه ميت متغيب عن الواقع
    ومع الغياب عن الواقع بيبدا التفكير قرار الانتحار بتكبر

    ردحذف
    الردود
    1. النسبه المئويه اللي حضرتك قولتها دي ممكن تكون حقيقية لكن للاسف قرار الاستسلام هوا اللي بيحدد العدد يعني مش كل الناس بتستسلم بل إنه الكتير وانا واحد منهم حاولت ويحاول وحفضل احاول للدرجه اللي تخليني مخسرش نفسي انت عارف يعني الواحد يخسر نفسه يعني يكون عبد السؤال بقي / حضرتك عايز تدخل ف دائرة العبوديه !؟

      حذف
    2. اكيد لا بس احنا ف دايرة الاستسلام دايما الغالب بيستسلم😞

      حذف
  5. ٩٩٪من الناس بقت بتعيش ف اكتئاب بقى مرض عادى لزم نتعايش معاه
    بس المفتاح مع رد الفعل وده غالبا بيوصل لدرجه اعلى من الاكتئاب بيوصل للانتحار

    ردحذف
  6. ٩٩٪من الناس بقت بتعيش ف اكتئاب بقى مرض عادى لزم نتعايش معاه
    بس المفتاح مع رد الفعل وده غالبا بيوصل لدرجه اعلى من الاكتئاب بيوصل للانتحار

    ردحذف
    الردود
    1. الاكتئاب النفسي مرض زي اي مرض وليه علاج بس العلاج الاعظم هو ضبط النفس والنظر بمستوي الاقل وأصحاب الحياه والتعليم الاقل وده اللي حيخلينا نحمد ربنا دائما ع حياتنا وده جدران دائرة الراحة لو اعتبرنا بالقياس أن الحياة راحه داخل دائرة
      تحياتي

      حذف
    2. بس علاجه صعب جدا 😶😞

      حذف
    3. بس علاجه صعب جدا 😶😞

      حذف
  7. ٩٩٪من الناس بقت بتعيش ف اكتئاب بقى مرض عادى لزم نتعايش معاه
    بس المفتاح مع رد الفعل وده غالبا بيوصل لدرجه اعلى من الاكتئاب بيوصل للانتحار

    ردحذف
  8. كلامك مهم جدا
    لأن معظمنا مبيخدش باله من مريض الاكتئاب ومحدش بيبقي حاسس بيه ودا في حد ذاته كارثة لوحدها بيعرض حياة المريض للخطر واحيانا ممكن توصل انتحار
    كل اللي احنا محتاجينه علشان مندخلش ف اعراض الاكتئاب محتاجين نحس ببعض محتاجين حب حقيقي وايد تطبطب علينا ف عز انكسارنا وازماتنا علشان منوصلش لمرحلة الانتحار
    فعلا موضوعك مهم شكرا استاذ محمد

    ردحذف
  9. كلامك مهم جدا
    لأن معظمنا مبيخدش باله من مريض الاكتئاب ومحدش بيبقي حاسس بيه ودا في حد ذاته كارثة لوحدها بيعرض حياة المريض للخطر واحيانا ممكن توصل انتحار
    كل اللي احنا محتاجينه علشان مندخلش ف اعراض الاكتئاب محتاجين نحس ببعض محتاجين حب حقيقي وايد تطبطب علينا ف عز انكسارنا وازماتنا علشان منوصلش لمرحلة الانتحار
    فعلا موضوعك مهم شكرا استاذ محمد

    ردحذف
  10. كلامك مهم جدا
    لأن معظمنا مبيخدش باله من مريض الاكتئاب ومحدش بيبقي حاسس بيه ودا في حد ذاته كارثة لوحدها بيعرض حياة المريض للخطر واحيانا ممكن توصل انتحار
    كل اللي احنا محتاجينه علشان مندخلش ف اعراض الاكتئاب محتاجين نحس ببعض محتاجين حب حقيقي وايد تطبطب علينا ف عز انكسارنا وازماتنا علشان منوصلش لمرحلة الانتحار
    فعلا موضوعك مهم شكرا استاذ محمد

    ردحذف
  11. كلامك مهم جدا
    لأن معظمنا مبيخدش باله من مريض الاكتئاب ومحدش بيبقي حاسس بيه ودا في حد ذاته كارثة لوحدها بيعرض حياة المريض للخطر واحيانا ممكن توصل انتحار
    كل اللي احنا محتاجينه علشان مندخلش ف اعراض الاكتئاب محتاجين نحس ببعض محتاجين حب حقيقي وايد تطبطب علينا ف عز انكسارنا وازماتنا علشان منوصلش لمرحلة الانتحار
    فعلا موضوعك مهم شكرا استاذ محمد

    ردحذف
    الردود
    1. اولا ي @أيام من حياتي
      الاكتئاب ده مرض داخلي اكتر منه خارجي يعني ميتعرفش الشخص أن مريض بالاكتئاب الا اللي قريب منه لكن ف اعتقادي أنه لو تحسسنا اقوالنا وافعالنا مع الجميع سواء كان مريض أو صحيح لما اضطررنا الي الحديث في هذا الموضوع ولعاش الجميع في أمن وامان وراحة البال
      لكن ومع كل هذا ما أود قوله للمكتئب ما رأيك ف أن تعيش وحيدا بعيدا عن الناس هل هذا يجبر خاطرك أو يلبسك ثوب السعاده !!
      ده سؤال .
      ثانيا الانتحار بمعناه المبهم فقدان الحياه ألم تعلم أن الحياة بيد الله يؤتيها من يشاء ويسلبها ممن يشاء اليس هذا اعتراض على حكم الله تعالي
      إن بعث الله لك من الناس ما يؤلمك ليبرئ الله ذمتك ويعفو عنك يوم القيامة علي صبرك
      ف النهايه لا تنتظر اخي الحبيب الطبطبه من اي بشر لكن اجعل كل اعتقادك ف أن الله مطلع عليك يسعدك ويصيبك وهو حكيم عليم بكل الاحوال فقط اجعل سعادتك بيدك لا بيد غيرك عامل الجميع بما تتمني أن يعاملوك بيه تسعد ف الدنيا وترقي ف الاخره ولن تكون نهايته لا انكستا ولا انتحار
      تحياتي 🌺

      حذف
    2. الله يسعد قلبك يا استاذ محمد

      حذف
  12. قال رسول الله ﷺ: ما أصاب المؤمن من هم ولا غم ولا حزن حتى الشوكة يشاكها إلا كفر الله من خطاياه
    رواه مسلم

    ردحذف
    الردود
    1. عليه افضل الصلاة والسلام

      احسنت قولاً يا أ. محمد

      حذف