سورة قريش

سورة قريش

سورة قريش

سورة قريش نتيجة وتكملة لـسورة الفيل
إزاي يا اسطى الكلام ده ؟
طب ما تيجي نشوف كده
قال رسول الله صلى الله عليه وسلم قال : فضل الله قريشاً بسبع خصال لم يعطها أحداً قبلهم ولا يعطيها أحداً بعدهم : أنهي فيهم - وفي لفظ : النبوة فيهم - والخلافة فيهم ، والحجابة فيهم ، والسقاية فيهم ، ونصروا على الفيل ، وعبدوا الله سبع سنين - وفي لفظ : عشر سنين لم يعبده أحد غيرهم - ونزلت فيهم سورة من القرآن لم يذكر فيها أحد غيرهم لإيلاف قريش ، معناه ايه الكلام ده .. ربنا سبحانه وتعالى فضل قريش بـ 7 أشياء :

1. منهم رسول الله و اشرف الخلق صلى الله عليه وسلم
2. الخلافاء الراشدين من قريش
3. الحجابة : هي حفظ مفتاح الكعبة وخدمة البيت الحرام
4. سقاية الحجاج وخدمتهم من قريش
5. ان الله نصرهم يوم الفيل و هم مشركين
6. عبدوا الله 10 سنين لم يعبده غير أهل قريش
7. نزلت فيهم سورة في القرآن ما اتذكرش فيها أحد غيرهم

معلومات عن سورة قريش

سورة قريش هي سورة مكية نزلت بعد سورة التين ، ترتيب سورة قريش فى القرآن الكريم رقم 106 ، عدد آيات سورة قريش 4 آيات ، عدد كلمات سورة قريش 17 كلمة ، عدد حروف سورة قريش 73 حرف.

تفسير سورة قريش

(لِإِيلَافِ قُرَيْشٍ)
أي فعلنا ذلك بأصحاب الفيل نعمة منا على قريش .. ليألفوا الخروج ولا يتجرأ عليهم أحد و تعظيماً لشأنهم عند الله تعالى ، طب يخرجوا فين ؟

(إِيلَافِهِمْ رِحْلَةَ الشِّتَاءِ وَالصَّيْفِ)
قريش كانت بتقوم برحلتين بس طوال السنة لشراء بضاعة للتجارة فيها .. رحلة لليمن في الشتاء و رحلة للشام في الصيف و ده عشان الشام بيبقى جوها صعب جداً في الشتاء

(فَلْيَعْبُدُوا رَبَّ هَذَا الْبَيْتِ)
الله يأمرهم بعبادته بعد ما عدد لهم نعمه اللي اختصهم بيها جل و علا، ده غير باقي النعم اللي انعمها على بني آدم

(الَّذِي أَطْعَمَهُمْ مِنْ جُوعٍ وَآمَنَهُمْ مِنْ خَوْفٍ)
الجوع : لما قريش كذبت سيدنا محمد .. دعا عليهم بأن يرزقهم الله بسنين عجاف كسنين سيدنا يوسف و لما اشتد عليهم القحط قالوا للنبي أدعوا لنا إنا مؤمنون .. فدعا لهم النبي فزال عنهم الجوع و القحط
أما الخوف : مقصود هنا أكتر من خوف عشان كده كلمة خوف جاءت نكرة بدون ألف و لام والمقصود هنا خوفهم يوم الفيل .. و خوف ان يغير على قوافل تجارتهم في الشتاء أو الصيف .. و خوف من الأمراض كمرض الجذام و ذلك تعظيماً لشأن البيت الحرام